Wanneer die krieke stil word uitgegee deur Naledi Uitgewers , geskryf deur Petro Kotze-Odendaal is ‘n sielsboek. ‘n Boek wat jou sal laat besef hoeveel jy het om voor dankbaar te wees. Jy mag dalk wens dat jy die innerlike krag en geloof kan hê wat Petro het. Jy mag dalk dink die gewese model en eienaar van ‘n modelskool is met ‘n goue lepel gebore, tot jy haar hele verhaal ken – dan mag jy dalk bly wees jy is nie modelmooi nie. Tog ervaar ek dat ons, haar liewe lesers net die puntjie van die ysberg sien.

Soos baie mense daar buite wat met ‘n glimlag op die gesig leef en die wêreld aandurf, het selfs ek ‘n paar mense en dinge wat gebeur het wat ek nie wil onthou nie. Wanneer jy ‘n boek soos die lees, is daar altyd iets wat van daardie dinge wat jy wil vergeet, trigger. Vir my persoonlik, was hier ‘n paar triggers – tog het ek volgehou en klaar gelees.

Petro word gereeld gevra waarom sy nie geloop het nie – as jy nog nooit self in ‘n verhouding was met ‘n narsis of ‘n abusive man nie, sal jy nooit ooit verstaan hoekom sommige vrouens nie kan loop nie. Sy was gelukkig dat die Here self haar verlossing bewerkstellig het.

Die eerste vyftien hoofstukke het ek gelees met ‘n effense onderliggende angstigheid in my, want ek het nie geweet wat om volgende te verwag nie. Hier vanaf hoofstuk sestien by die hoofstuk genaamd Nogtans waar nóg ‘n ramp Petro tref, ervaar ek ‘n onverwagse rustigheid. Ten spyte van die ramp wat haar tref, sien Petro steeds positiewe dinge tussen al die negatiewe raak. Sy bly steeds biddend in geloof … sy is immers ‘n gesalfde van God!

Deur die hele boek tot by die laaste hoofstuk, ervaar jy haar Daddy se goedheid en hoe elke belofte wat Hy deur haar lewe gemaak het een vir een nagekom word.

Dis nie net Petro se verhaal nie, dis ‘n geloofsreis wat elkeen van ons kan baat. Vergifnis is ‘n groot tema regdeur die boek – en vergifnis is iets waarmee baie mense sukkel.

As jy hou van biografiese boeke, kan jy maar gerus hierdie een nadertrek.

#sureneleeswyd #vatnblaaskansmetsurene #boekbeinvloeder 

The post Lesersindruk: Wanneer die krieke stil word appeared first on Vat 'n blaaskans / Take a break.

Ten spyte van die feit dat sussie eintlik al in haar jare is, bloos sy nog vreeslik erg wanneer dit by ‘n Stoom Romanza kom. Gelukkig bestaan die boek uit veel meer as net ‘n gestoom. Hierdie een was ‘n lékker lees. Erla Diedericks het haarself oortref met die humor hier in. Ek het ‘n paar keer kliphard uitgebars van die lag.

Die heldin, Andrea, is my tipe vrou. Sy geniet die lewe in oorgawe … veral haar kos! O, ek kon myself vereenselwig met haar liefde vir lekker kos. (Vir my is dit natuurlik verkieslik dat iemand anders die kos maak, want teen die tyd dat ek klaar kos gemaak het, is ek nie meer honger nie.)

Dan is daar haar eks, Stiaan, oor wie sy net nie kan kom nie. Het sommige van ons nie maar ‘n “one that got away” nie? Maar Die reünie sal jou beslis met nuwe oë laat kyk na die een wat jy dink weggekom het …

Dan het ‘n paar aspoestertjie skoene en die noodlot ander planne …

Koop gerus en lees self. Jy sal nie spyt wees nie.

The post Lesersindruk: Die reünie appeared first on Vat 'n blaaskans / Take a break.

Jakkals en Wolf 2 deur Wendy Maartens met illustrasies deur Gerda Smit, uitgegee deur Lapa Kinder- en Jeug.

Ek het so lekker gelees aan Jakkals en Wolf 2 dat ek skoon spyt is dat ek nie die eerste Jakkals en Wolf boek ook onder oë gehad het nie. Ek het so verlang na my pa, want hy het altyd vir ons Jakkals en Wolf stories vertel toe ons kinders was, want soos op die agterblad staan word Afrikaanse kinders al geslagte lank vermaak deur die skelmstreke van Jakkals en Wolf.

Ten spyte daarvan dat Jakkals en Wolf mekaar nog al die pad probeer uitoorlê, bly hulle steeds beste maats. Arme Wolf is nie heeltemal so slim soos Jakkals nie en trek baie kere aan die korste end.

Ek het heerlike gelag vir die avonture en streke van die twee maats.

Jakkals en Wolf 2 is ideaal vir kinders van 5 jaar en ouer. Mamma en Pappa sal ook die stories geniet en lekker nostalgies raak oor hulle kinderjare.

The post Jakkals en Wolf 2 appeared first on Vat 'n blaaskans / Take a break.

Uitgegee deur Human & Rousseau, ʼn druknaam van NB-Uitgewers

ʼn Heerlike speurverhaal wat jou aan die raai gaan hou tot vlak by die einde van die boek, want almal het ewe veel rede om skuldig te wees.

Die vyf ongetroude Delport-susters woon saam in hul oorlede ouers se huis. Wanneer die oudste suster, Rosa, laat een Saterdagaand koelbloedig doodgeskiet word, is daar dus minstens vier verdagtes.

Moord-en-roofspeurder Adriaan Kruger, wewenaar en ʼn bedrewe origami-beoefenaar, moet al sy vernuf inspan om die skuldige te probeer ontmasker. Maar dis makliker gesê as gedaan, veral wanneer sy gevoelens vir die hoofverdagte met sy gesonde oordeel inmeng.

Die vermoorde Rosa was alles behalwe ʼn geliefde persoon, en met die dinge wat uitkom tydens die ondersoek besef die polisie dat talle mense haar uit die pad sou wou hê. Sy het haar jonger susters met ʼn ysterhand regeer en terwyl drie van hulle alles gelate aanvaar het, was die jongste suster Karien allermins hiermee tevrede. 

Die tweede oudste suster, Madelief en ’n vriendin, Trish, is vennote in ʼn materiaalwinkel. Ná Rosa se dood, sien die speurder ʼn bisarre winkelvensteruitstalling wat sy ondersoek in ʼn ander rigting begin stuur.

Die tweeling, Jasmyn en Iris, het uit hul werk bedank nadat Iris met ʼn hartkwaal gediagnoseer is en Jasmyn besluit het om tuis na Iris om te sien. Hulle was dus toe skielik bedags baie meer in Rosa se teenwoordigheid.

Karien is die jongste van die vyf susters wat ook die hoofverdagte in saak is. Adriaan is teësinnig om haar as hoofverdagte te sien. Nadat sy een van origami-kunswerkies reg identifiseer is dit asof hy meer gemotiveerd raak om haar onskuld te bewys.

Daar is die raaisels van die gesteelde TV, skildery en .38 Special rewolwer uit die Delport-susters se huis, asook die verwaarloosde huis en tuin, asook ʼn duidelike tekort aan geld en die terugkeer van Karien se gewese kêrel, Phillip, wat oral opduik en teësinnig is om te verduidelik wat hy daar soek.

Daar is duidelik baie geheimsinnigheid tussen die susters en Adriaan weet hulle lieg vir hom, maar hoe bewys hy dit? Die groot vraag is: wie is die werklike skuldige? Gaan Adriaan se intuïsie hom die keer in die steek laat of gaan geregtigheid seëvier?

Die vyf susters is die eerste titel in ʼn reeks van vyf ligte spanningsverhale wat tussen 1998 en 2003 deur die gewilde skrywer Eleanor Baker onder die skuilnaam Alex Muller geskryf is. Ek lees nog van altyd af, maar ek kan beslis nie onthou dat ek hierdie reeks van Eleanor Baker gelees het nie. Ek sien dus baie uit na die res van die reeks.

As jy hou van ʼn goeie speurverhaal, maar nie al die bloed en wreedheid van ʼn krimi of riller kan hanteer nie, is hierdie ʼn lekker whodunit waar jy lekker leunstoel-speurder kan speel saam met Adriaan.

Ek kan nie wag om nog moorde saam met Adriaan Kruger op te los nie.

The post Die vyf susters appeared first on Vat 'n blaaskans / Take a break.

FACEBOOK – Take a Break with Surene / Vat ‘n blaaskans met Surene

INSTAGRAM – take_a_break_with_surene

TIKTOK – Crazy Brunet

My sosiale media skakels waar jy sal sien wat ek deel oor boeke, mense en plekke. Soms is ek sommer net laf ook!! TikTok is nog onaktief, maar ek werk daaraan.

The post Sosiale Media skakels appeared first on Vat 'n blaaskans / Take a break.

My favourite quote: And I remembered the words of the celebrated Italian film director Federico Fellini: “There is no end. There is no beginning. There is only the infinite passion of life.” (page 297)

More about the book: In a moment of madness, Costa Ayiotis, a former United Nations diplomat, quits the Joburg rat race and opens a Greek taverna in Hout Bay. The local barflies and village idiots predict his demise in a notoriously fickle seasonal town. He is determined to prove them wrong. In this refreshingly hilarious rollercoaster of a ride, Costa’s fiery Greek temperament is tested by a constant stream of customers from all corners of the planet. A book for anyone who ever yearned to escape from it all.

Melinda Ferguson Publisher/ Writer NB-Uitgewers/Publishers

The post Review – My Big Fat Greek Taverna appeared first on Vat 'n blaaskans / Take a break.

Die volgende paar gedigte het sommer my gemoed lekker verander: Die nag, Droomjagter – wat my aan my hond laat dink wanneer hy so lekker droom, ‘n Dag soos alle ander, Dagdrome, Randeier, Ek hou jou met albei hande vas en Fragmente van onthou … om maar net ‘n paar uit te lig.

Ek lees gedigte omdat dit vir my lekker is. Ek kan nou nie ‘n ontleding doen soos Prof Alwyn Roux nie, maar ek kan darem uitstekende skryfwerk herken wanneer ek dit raak lees en dit beslis daarom baie geniet.

Kieskeurige lesers van poësie sal beslis deur Basson se digkuns bevredig word, maar dis beslis ook toeganklik vir die gewone leser soos ek wat net hou van die samevoeging van beskrywende woorde wat mens sommer net met ander oë laat kyk na die wêreld rondom ons. Dan is dit ook so heerlik bevrydend – weg van die dinge wat net mens se dag op sy kop kom keer.

Bestel gerus direk vanaf Graffiti Books

Ek deel die onderstaande direk vanaf Protea Boekhuis:

Eunice Basson se derde bundel staan in die liriese en suggestieryke tradisie van haar twee vorige bundels: Leiboom (2014, Queillerie) en By die dag (2020, Protea Boekhuis). In ‘n Ander wêreld fokus sy op die skoonheid en besondersheid van die alledaagse bestaan, die wonder van die kleine moment en die ander wêrelde wat hierdeur geaktiveer word:

Klein koninkryk
In ‘n droë blomsteel van ‘n agapant
is ‘n wêreld in die kleine versteur
toe verkenners soos ‘n oop kraan
oor die tuinier se snoeiskêr spoel:
Verskans teen die koue skuil
‘n nes swart miertjies wat paraat
oor hordes larwes waak tot die eerste
tekens van lente hier en daar
in klein botsels aanmeld, dopluise
vol heuningdou hulself vir die kolonie
aanbied, en ‘n nuwe geslag afstig
met ‘n bloedeie koningin.
Vir die tuinier: ook ‘n nuwe seisoen
van snoei en bot, van bloei en verwelk.

Prof. Alwyn Roux skryf die volgende oor die bogenoemde gedig: “[Hierdie gedig] illustreer pragtig hoe ‘n mikrokosmos binne ‘n agapant-blom vasgevang word. Nie alleenlik fokus die inhoudelike aspekte op hierdie fantastiese element van die blom en die ander wêreld wat dit huisves nie, maar dit zoem ook uit na die tuinier wat die blom snoei. Die digter is dus ook ‘n samesteller van ‘n bloemlesing, wat hierdie ander wêrelde van die natuur nader aan die mens se realiteit bring, maar self ook aan dieselfde natuur, van lewe, groei en doodgaan, onderdanig is.”

Basson se woordskilderye is klankryk, organies en intuïtief, maar is ontdaan van sentimentaliteit. Sy skryf oor die natuur en wêreldgebeure, asook treffende gedigte oor haar familiegeskiedenis en die dood van haar broer. Baie lesers sal hulle met die temas in die bundel kan vereenselwig.

The post Lesersindruk – ‘n Ander wêreld appeared first on Vat 'n blaaskans / Take a break.

Many self-published authors handle the translation of their work themselves, and you can see it in the end results … not in a positive way. However, Elsabé Welman doesn’t take shortcuts with her work.

All marketing of FORSAKING OTHERS has the tag “no one will know, until everybody knows,” and it truly had me curious.

FORSAKING OTHERS is a well-written book. Although it started off slow, it has a storyline that will keep you hooked. The suspense is well-written and really makes you think and want to help unravel the truth. Trust is also a big thing in the storyline.

Luna and Evan’s friendship started out innocently while supporting each other through a difficult time, which led to more intense feelings developing between the two of them.

When Luna was suspected of a crime, it really took both of them through a test no one could easily pass.
The million dollar question: will they pass the test?

The post Review – Forsaking Others by Elsabé Welman appeared first on Vat 'n blaaskans / Take a break.

Iris Koopman keer met haar dogtertjie, Rosie, terug na Suid-Afrika, tot haar ouers se vreugde. Die eerste keer wat sy na haar terugkeer by vriende gaan kuier, loop sy in haar eksman, Brandon, vas. Sy drinkery was die oorsaak vir hulle egskeiding en Iris se eerste prioriteit is om Rosie te beskerm. Rosie is egter dadelik mal oor haar pa en hy oor haar. Iris is huiwerig om vir Brandon ‘n tweede kans te gee en haar ouers is bang dat dit weer kan flop en dat Iris dan weer landuit sal vlug. Brandon nooi Iris saam op ‘n sakereis na Europa sodat sy vir haarself kan sien dat hy verander het.

Sy vind uit dat sy steeds lief is vir Brandon. Sal sy ‘n tweede kans met hom waag? Is geluk vir hulle beskore?

The post Lesersindruk – Lêplek vir die hart appeared first on Vat 'n blaaskans / Take a break.

Stefaans Coetzee se nuutste publikasie, sel ses, bestaan uit nege kortverhale – een vir elke jaar wat Stefaans al op parool is. Saam vertel hierdie nege kortverhale vir ons ʼn klein stukkie van Roux Steyn se storie en hoekom hy werklik daar sit.

Na drie en twintig jaar in die tronk het Roux Steyn nou ʼn kans op parool, maar hy moet een jaar sonder geweld teen hom hê voordat hy in aanmerking kom. Hoe hy dit gaan regkry weet hy nie, want hy het die Anger Management-kursus al drie keer gefaal, maar: “Hy kan skoon loop. Vir sy dogter kan hy ʼn jaar lank almal se kak opvreet.” (bl. 47)

Soos Roux se verhaal ontvou, besef mens dat die tronk is nie vir sissies nie. Saam met Roux kom ons ook agter dat alles nie altyd is soos wat dit lyk nie. Op ʼn stadium kyk die geharde tronkbendeleier vir die eerste keer in sy lewe op na bo en ons besef hy is ook net ʼn verlore mens. “’n Gil klief uit sy keel. Laat my vrek voor ek mal word.” (bl. 59)

Hy voer ʼn skrikbewind as bendeleier en dwelmsmous en het al genoeg vyande gemaak wat sy besigheid sal wil oorneem. Hy word van beide kante deur die bewaarders en die ander tronkbewoners uitgedaag om weer te faal. “Roux pluk die mes uit. Kong struikel, val. Gil. Roux troon oor hom uit; klap die mes op die tafel neer.” (bl. 61)

Ek het hom werklik jammer gekry. Die tronklewe het hom in ʼn monster verander, maar binne elke monster skuil ook ʼn mens, ʼn man, ʼn broer en ʼn pa. Lees gerus sel ses en maak jou hart oop vir die Rouxs en die oom Blesse van die lewe. Moet ook nie vergeet van Babyface en Queen Africa nie – dit laat mens voel daar is minder veiligheid binne die tronkmure as daarbuite.

Die einde is verrassend, en bevestig net dit wat jy reeds raakgelees het en vul jou met dankbaarheid … vir die buitekant van die vierhoeke.

Bestel jou kopie aanlyn by Naledi Uitgewers, Graffiti Books of direk by Stefaans Coetzee. Die boek se prys is R260, koerier koste is addisioneel.

The post Lesersindruk – sel ses appeared first on Vat 'n blaaskans / Take a break.

ISBN 9780637005586, LAPA Kinder- en Jeugboeke, Sagteband @ R160

I wish I was a glow worm: A glow worm’s never glum. ‘Cos how can you be unhappy When the sun shines out your bum!

Hierdie oulik boekie wat geskik is vir jong lesers van 9+ jaar het my onmiddellik aan dié gediggie laat dink!

Jani Jonker en haar jonger boetie, Martin, jag vuurvliegies. Jani probeer hard om die eerste een te vang om te keer dat Martin haar vir ʼn derde keer wen.

Sy word verras deur ʼn besonder helder vuurvliegie. Maar toe die vuurvliegie haar byt, is sy minder beïndruk. Die bytplek brand soos vuur. Daardie aand in die bed gebeur ʼn vreemde ding. Jani begin in die donker gloei! Sy besef sy gaan die bespotting van die skool wees. Sy probeer hard om haar ma te oortuig om nie skool toe te gaan nie, maar sy slaag nie daarin nie.

Allerhande dinge begin gebeur wat haar in situasies plaas waar sy saans saam met maats moet wees … in die donker! Hoe gaan sy die geheim vir haar klasmaats wegsteek? Wat gaan hulle doen wanneer hulle uitvind Jani Jonker gloei in die donker? Uitvind gaan hulle verseker, want daar is net te veel dinge wat teen Jani tel!

Dis ʼn lekker-lees boek en laat my weer in verwondering oor die wonderlike kinder- en jeugboeke wat beskikbaar is. Ek beny mense soos Fanie Viljoen hulle wonderlike verbeelding om sulke lekker stories uit te dink.

Ek gee hierdie boek maklik 5 sterre, want as ek dit so geniet het sal ons kinders dit beslis nog méér geniet.

The post Resensie -Jani Jonker gloei in die donker appeared first on Vat 'n blaaskans / Take a break.

9781779870162 uitgegee deur Romanza, ‘n druknaam van LAPA Uitgewers

Op skool was Connie die meisie:  mooi, blond, gewild en boonop met skatryk ouers. Tien jaar later is die bordjies vir Connie verhang: nou is sy ʼn geskeide enkelouer wat sukkel om kop bo water te hou. Toe die aantreklike Stef Neetlingh by haar gastehuis opdaag herken sy hom glad nie as Prof wat twee jaar voor haar op skool was nie. Daar is ʼn besliste aantrekkingskrag tussen die twee, maar Connie se geskeide buurman en haar eks krap so bietjie die kaartjie deurmekaar, wat verder aangehelp word deur Stef se kollega wat konstant met hom flankeer. Vir Stef is Connie steeds die goue meisies wat nie na gewone ouens soos hy sal kyk nie, terwyl Connie na allesbehalwe ʼn goue meisie voel.

Gaan hulle mekaar vind terwyl beide van hulle sukkel om nie aan die ander een te dink nie.

Cecilia Nortjé is ʼn gewilde Romanza skrywer, wat ook al haar hand gewaag het aan verhoudingsromans soos ʼn Huis vir altyd en ʼn Kans op vir altyd. Volg die skakel vir my resensies hieronder.

Resensies:  ʼn Huis vir altyd en ʼn Kans op vir altyd.

Cecilia se boeke is beskikbaar by meeste boekwinkels, aanlyn by LAPA of by Graffiti Boeke.

The post Gouelokkies en die professor – ʼn lesersindruk appeared first on Vat 'n blaaskans / Take a break.

Weeks, later months, down the line, they still didn’t find what causes the anemia, which apparently can only be caused by blood loss. The only other thing discovered after I have requested an additional blood test, was that my ferritin count was extremely low at 3 and I needed to up that. I’m on iron supplements of 150mg to 800mg per day and managed to double the ferritin count.

So, next time you feel a bit under the weather – have it checked out!

Taking my challenge one day at a time! Soon I will be walking my 5km hikes again! What a ride the past 17 months had been!!

The post Day 2 – What challenges did you have lately? appeared first on Vat 'n blaaskans / Take a break.

I have a lot of things that I want to do, but wants doesn’t necessarily happen over night. So, lets look at a few goals.

• That UK / France trip – here I have two challenges, but more about that later.
• Writing my Final Tax Practitioners exam before the end of the year.
• Challenging myself to journal every day, even if it is just a few words.
• Focus on my health issues which currently is cramping my style a bit
• There is a lot more than these, but lets focus on the immediate future.

Today is the first day of challenging myself to journal everyday for the next 125 days. Let’s see if I can keep up with myself.

The post Day 1 – What is your biggest goal right now? appeared first on Vat 'n blaaskans / Take a break.

Die jeep kantel weer en haar kop ruk eenkant toe, tref die kant van die deur met ʼn harde slag. Alles om haar raak swart. (9)

Shiloh word wakker in bevind haarself half begrawe in die sandduin. Sy wonder waar Yusuf en die res van die toerlede is. ʼn Ent weg sien sy vir Azalay opstaan. Hy kyk by haar verby en sy kyk om. Sy sien die klomp kamele met hulle ruiters nader kom.

Hulle ontmoet vir Nouvel en besef hulle het op ʼn onverklaarbare wyse in die Arabiese woestyn beland. Hulle besef ook dat hulle met hom in Aramees praat en kom agter hulle het duisende jare in tyd teruggereis. Toe hulle by Nouvel se karavaangeselskap aankom vind hulle mettertyd uit dat hulle hul moontlik bevind in die jaar van Jesus se geboorte.

Saam met die drie wyse manne volg hulle die Bethlehemster. Azalay is ʼn toegewyde Christen en is opgewonde oor waar hy hom bevind en hoop om antwoorde op sy vrae te kry, Shiloh is opstandig oor haar onlangse egskeiding en die rede wat daartoe gelei het en as gevolg daarvan glo sy nie meer nie. Hul omstandighede is uitdagend. Azalay wil Shiloh beskerm, maar sy is wispelturig oor wanneer sy sy hulp wil aanvaar of nie.

Azalay se droom is om saam met die Wyse Manne die ster te volg. Gaan Azalay sy antwoorde kry en homself vind? Gaan Shiloh weer begin glo? Gaan die liefde seëvier?

Hoe gaan hulle die vreemde reis oorleef en weer terugkom in die 21ste eeu?

Dit was ʼn heerlike verhaal om te lees. Boeke van Frenette wat ek onlangs gelees het is: Vlinderdraai, Wintersprokie, Geliefde rebel, Soene in ‘n sandkasteel, Sonvanger en In sonskyn en storms. Juis omdat ek hierdie verhale gelees het was ek nuuskierig oor hoe Om aan ʼn ster te raak sy verloop sou neem en was aangenaam verras. Ek was in 2022 in Israel en dieselfde gevoel van absolute verwondering wat ek in Jerusalem beleef het toe ek in Jesus se spore gestap het, het ek met die lees van hoofstuk 20 beleef. Die versugting in my hart: I wish I was there!

©Surene Esterhuizen

The post Om aan ʼn ster te raak – Frenette van Wyk appeared first on Vat 'n blaaskans / Take a break.

ʼn Kans op vir altyd vertel die verhale van Milan en haar stiefdogter, Estie, maar ook van Jessica, Estie se ma. Milan is bekommerd oor Estie se eetversteuring en wil graag weer hulle verhouding herstel. Onverwags ontmoet sy vir Jessica en leer haar bietjie ken. Sy is ook steeds lief vir Herk.

Dinge gebeur en bring die drie vroue en Herk bymekaar. Sal Herk vir Jessica en Milan kan vergewe? Gaan Jessica gesond word? Gaan Milan se liefde beantwoord word?

Durf hulle almal hoop op ʼn kans op geluk, vir altyd?  

Ek het beide ʼn Huis vir altyd en ʼn Kans op vir altyd baie geniet en beveel beide boeke aan.

Beide is uitgegee deur LAPA Uitgewers.

The post ʼn Kans op vir altyd deur Cecilia Nortjé appeared first on Vat 'n blaaskans / Take a break.

Milan is ons heldin wat na haar ontroue man se dood in ʼn vliegtuigongeluk, haar rykmanslewe vaarwel moet roep en platsak Vaalkrans toe moet vlug en besit neem van ʼn erg verwaarloosde huis van haar man se tante. Sy moet gewoond raak aan bure wat sommer net in stap by jou huis en op ʼn dorpie te woon waar almal anders meer weet van jou lewe as jyself.

Ons beleef hoe sy haarself weer uit die put moet kry en deel in haar lief en leed op haar nuwe dorp. Sy leer gou haar bure is nie net nuuskierig nie, maar gee om vir haar. Haar benarde finansiële situasie kry haar gelukkig nie onder nie. Sy sien potensiaal in tannie Corrie se huis en begin uiteindelik ʼn leefstylwinkel. Sy is kreatief en ontwikkel in ʼn sakevrou van formaat.

Kort voor lank bevind sy haar in ʼn onkonvensionele tweede huwelik met ʼn kits gesin van drie kinders. Sy sluit ʼn vriendskap met Marietjie, die dominee se vrou – iets wat sy nooit in die stad sou doen nie!

Die boek eindig vir my op ʼn totale antiklimaks – glad nie wat ek verwag het nie, maar ek is tog opgewonde toe ek sien daar is wel ‘n tweede boek.

ʼn Kans op vir altyd (2021) vertel hopelik nou die res van die storie soos ek dit in my kop wou hê, maar nou is die boek op my Libby waglys en ek moet geduldig wag.

PS: Gaan Sue-Ann en Estie ook elkeen ‘n storie kry?

The post ʼn Huis vir altyd deur Cecilia Nortjé appeared first on Vat 'n blaaskans / Take a break.

Ek is lief vir boeke en verstaan dat die uitgewers se publikasielyste soms tot twee jaar vooruit beplan is. Dis ‘n baie groot rede waarom daar soveel skrywers is wat deesdae self hul boeke uitgee.

Die rede waarom ek versigtig is met die aankoop van self publikasies is omdat daar redelik gesny word op kostes en dat taalversorging dan in sommige gevalle agterweë bly.

Wat uitstaan van NET EEN LEUEN is dat Susca haar debuut-boek nie net self uitgegee het nie, maar dit in samewerking met twee teksversorgers gedoen het. Sy het dit ook onder die mentorskap van Wilna Hennig Adriaanse geskryf.

Die boek was vir my boeiend tot op die end. Ek het nie die einde sien kom nie, maar ek sou dit dalk ook só kon eindig!

Welgedaan, Susca Hatton! 5 🌟 BOEK! Wanneer kry ons jou volgende Afrikaanse boek?

Ek wil nie te veel deel nie, want ek is te bang om die aap uit die mou te laat. Ek deel egter die sinopsis hieronder.

SINOPSIS: Behalwe vir haar kloustrofobie, is Emily van Lynden se lewe perfek.

Êrens moes sy iets reg gedoen het om ’n man soos Zander te kry. ’n Man wat haar liefhet, ten spyte van haar eienaardighede. Nuus dat Zander vermoedelik in ’n motorbomontploffing oorlede is, verpletter Emily se perfekte lewe.

Wanneer Zander ’n paar dae later ongedeerd by die huis opdaag en daarop aandring om Alex genoem te word, voel dit vir Emily soos die begin van die einde. Haar eens liefdevolle man is nou afsydig, koud, intimiderend, en selfs by tye wreed.

Klein ruimtes is nie meer haar enigste vrees nie. Haar vrees het ’n stem gekry en ’n gesig. Die gesig van die man wat sy liefhet.

The post Net een leuen deur Susca Hatton appeared first on Vat 'n blaaskans / Take a break.

Anoniem, uitgegee deur LAPA Uitgewers is Chanette Paul se 50ste roman. Vir my is Chanette ʼn absolute ikoon – min mense kan haar dit nadoen om boeke van 400+ bladsye en sommige selfs oor die 600 bladsye te skryf, om nie eens te praat van die navorsing wat in haar werk ingaan nie … en sy laat die leser beslis nie een oomblik verveeld nie.

Ek het proe-proe gelees aan Anoniem… ek wou nie hê die lekker moes opraak nie. Hier is my leeservaring van Anoniem.

Kan jy vlug van wie jy werklik is? Lula Prins wil oor begin op Heydendal. ʼn Nuwe lewe, ʼn nuwe dorp, ʼn nuwe naam. Anoniem.

Is dit nie maar wat sommige mense wens nie? Ek weet ek het al! Dalk nou nie ʼn nuwe naam nie – ek hou immers van die naam wat my ma my gegee het. Maar dalk sal ek weer die identiteit wat ek êrens langs die pad verloor het – in dit wat ons die lewe noem – weer wil terugkry. Dalk wil ek myself net in ʼn posisie sit waar ek my nuwe drome gestalte kan gee.

Gebeure in Dr Lula Prins se lewe laat haar soek vir ʼn plekkie waar sy kan wegraak. Dit vind sy in Heydendal. Sy moet natuurlik eers die verwaarloosde plek vir haarself leefbaar maak. Vier jaar later is sy steeds op Heydendal. En dit lyk of haar verlede haar gaan inhaal. “Die vrees dat sy ontmasker kan word, haar daad aan die lig sal kom en sy die gevolge sal moet dra, is versmorend.” (Bl. 78)

Lula werk vir Belletrie Uitgewers op ʼn vryskutbasis as keurder en manuskripontwikkelaar. Sy bied skryfskole aan. Sy skryf ook liefdesverhale onder die skuilnaam Tallie Lategan. Chanette gee ons ʼn kykie agter die skerms van hoe ʼn paar dinge in die uitgewersbedryf werk. (Wanneer ek net dink aan die keurderverslag, dan dink ek my storie moet maar eerder in my kop bly.)

Dan hoor sy van Dian Kruger se selfdood nadat sy manuskrip waaraan hy vele jare gewerk het afgekeur is. Dié keer finaal afgekeur. Alhoewel keuring anoniem plaasvind, kom sy tog agter dis een van dié wat sy onder oë gehad het.

By sy begrafnis ontmoet sy Dian se ouer broer, Kriek en hul eksentrieke tante, Lillibet. Sy stel haarself voor as Tallie. Soos die storie verloop probeer Kriek agter die rede vir sy broer se selfdood kom en wie hom daartoe gedryf het. Hy wonder oor die manuskrip en of dit werklik so sleg was. Mens kom ook agter dat Kriek en Dian saam aan die storie gewerk het. Hy en Dian het die storie-idee deurgepraat en Dian het dit geskryf. Kriek het die rare Irlen-sindroom, wat die rede is waarom hy nie by die skryf-proses betrokke was nie. Dit is vir Kriek belangrik dat Dian se boek wel gepubliseer word. Hy word so deur Tallie aangetrek dat hy haar oorreed om aan die herskryf van Dian se boek te werk.

“Wat is dit aan Tallie wat hom so na haar aantrek? . . . Wanneer laas het hy ʼn vrou ontmoet wat nie ʼn agenda het nie? Wat nie ʼn rol in ʼn film wil beding nie. Wat nie daarop uit is om baat te vind by wat hy kan bied nie. Wat nie bloot agter seks of geld of roem of wat ook al aan is nie. Net is wie sy is.” (Bl. 106)

Tallie se lewe raak verstrengel in dié van Kriek, Lillibet en die mense van Heydendal. Dis ʼn moet-lees boek – sodat jy self proe-proe die intriges kan ontrafel. Daar is sommer lekker baie intriges – ʼn paar storielyne, wat later almal sin maak in die groter prentjie van die verhaal. Sekere storielyne word al vroeg in die boek aan die leser bekendgemaak, terwyl ander eers later vir die leser duidelik word. Die lekkerte van Anoniem is dat jy beslis nie deur vervelige omgewingsbeskrywings hoef te worstel om deur die boek te kom nie. Elke woord tel, elke woord het ʼn doel in hierdie verhaal.

Ek het die Vyver-vroue gelees en heelwat van haar Romanzas. Die eintlike rede waarom ek nié ʼn vergelyking wil maak nie is omdat Anoniem in ʼn klas van haar eie is. Anoniem is immers boek nommer 50 wat Chanette drie keer heeltemal oorgeskryf het en ʼn vierde keer streng geredigeer het! Ons is gewoond aan die kwaliteit skryfwerk wat ons van Chanette Paul kry, dat mens verstom staan dat sy ʼn nóg beter manuskrip die lig laat sien het.

Anoniem is ook een van daardie boeke wat ʼn permanente plek op my boekrak het. Een wat ek beslis weer sal lees en bitter suinig sal wees om uit te leen.

Beslis ʼn vyfster boek!

© Surene Esterhuizen

#sureneleeswyd #LapaUitgewers

The post Anoniem deur Chanette Paul appeared first on Vat 'n blaaskans / Take a break.

Mens kry vandag nog volwassenes wat in Mixit afkortings skryf – dit irriteer die hel uit my uit!!

Skryf tog al jou woorde mooi uit vir my!

Gaan volg gerus Afrikaans 100 op Facebook en neem deel aan hulle kompetisies tot aanloop van Afrikaans se 100ste verjaardag as een van Suid-Afrika se amptelike tale.

The post Afrikaans, my taal! appeared first on Vat 'n blaaskans / Take a break.