deur Surene Esterhuizen
Ek ry gister oggend werk toe en die Here weet ek bid gedurig dat ek net graag ʼn nuwer karretjie wil hê, want dié ene van my het al oor die 301 000 kilos op die klok. Nie splinternuut nie, net nuwer!
Ek is bitter dankbaar dat ek nie ʼn sent skuld op my jaloppie nie; en dat my karretjie my tussen al my punt A’s en B’s vat waar ek wil wees sonder enige probleme – van werk, kuier en lekker vakansies. Omdat U Jehovah Jireh is, wéét ek dit sal gebeur sodra die tyd reg is.